Cafodd Cynllun Datblygu Lleol Eryri (dyddiad terfynu 2022) ei fabwysiadu gan Awdurdod Parc Cenedlaethol Eryri ar 13 Gorffennaf, 2011.
Mae Cynllun Datblygu Lleol Eryri yn cynnwys Datganiad Ysgrifenedig, Mapiau Cynigion a Manwl ac ar y cyd â’r polisi cynllunio cenedlaethol bydd yn rhoi arweiniad i benderfyniadau ar geisiadau cynllunio ar yr holl ddatblygiadau a chynllunio defnydd tir yn y Parc Cenedlaethol yn y dyfodol.
Datganiad Ysgrifenedig (fersiwn mabwysiedig)
Mi fydd copïau o fersiwn mabwysiedig Cynllun Datblygu Lleol Eryri gan gynnwys ei Fapiau Cynigion a Manwl ar gael i’w harchwilio’n rhad ac am ddim yn Swyddfa’r Parc Cenedlaethol, Penrhyndeudraeth, mewn llyfrgelloedd cyhoeddus yn Abermaw, Bethesda, Blaenau Ffestiniog, Dolgellau, Harlech, Llanberis, Penrhyndeudraeth, Penygroes, Tywyn, Porthmadog, Y Bala, Cerrigydrudion, Llanrwst, Llanfairfechan, Penmaenmawr, Conwy ac yng Nghanolfannau Croeso’r Awdurdod ym Metws y Coed, Dolgellau a Beddgelert yn ystod oriau agor arferol.
Mae Cynllun Datblygu Lleol Eryri’n disodli Cynllun Lleol Eryri, Cynllun Fframwaith Gwynedd sy’n berthnasol i ardal y Parc Cenedlaethol a Datganiad Darparu Tai Fforddiadwy Eryri fel y cynllun datblygu ar gyfer ardal y Parc Cenedlaethol.
Arfarniad o Gynaliadwyedd a’r Asesiad Amgylcheddol Strategol
Mae Arfarniad o Gynaliadwyedd ac Asesiad Amgylcheddol Strategol i gyd-fynd â’r Cynllun. Gellir lawrlwytho’r adroddiadau llawn, ynghyd â’r Adroddiad Sgrinio Asesiad Rheoliadau Cynefinoedd ar wefan Hyder Consulting.
Adroddiad Ymgynghori
Mae ystod eang o randdeiliaid wedi helpu i baratoi’r Cynllun Datblygu Lleol, ac mae eu cyfraniad parhaus yn hollbwysig yn y broses o weithredu’r Cynllun. Mae rhagor o wybodaeth yn yr Adroddiad Ymgynghorol a’r atodiad.
Awdurdod Parc Cenedlaethol, Swyddfa'r Parc Cenedlaethol, Penrhyndeudraeth, Gwynedd LL519DX
Ffôn: 01766772274 e-bost: parc@eryri-npa.gov.uk www.eryri-npa.gov.uk