28 Gorffennaf 2009
Wrth ddathlu Wythnos y Parciau Cenedlaethol a 60 mlwyddiant Deddf y Parciau Cenedlaethol a Mynediad i Gefn Gwlad 1949,mae Awdurdod Parc Cenedlaethol Eryri heddiw (Dydd Mawrth, Gorffennaf 28), yn cyhoeddi enwau prif enillwyr Cystadleuaeth Ffotograffiaeth Bwrlwm Eryri.
Noddwyd cyfanswm o dair cystadleuaeth gan Awdurdod y Parc Cenedlaethol a chwmni Cambrian Photography o Fae Colwyn ac roedd pedwar categori i bob cystadleuaeth sef Pobl, Tirlun, Digwyddiadau a Gwnaed gan Ddyn. Y beirniaid oedd Aneurin Phillips (Prif Weithredwr APCE), y ffotograffydd o Drefriw, Pierino Algieri a’r arlunydd o Borthmadog, Rob Piercy.
Wrth drafod y gystadleuaeth, dywedodd Aneurin Phillips,
“Roedd y gystadleuaeth hon yn gyfle gwych i ni godi ymwybyddiaeth o gyfoeth ein treftadaeth ni yn Eryri a hynny drwy gyfrwng lens camera. Wrth edrych ar y lluniau a ddaeth i’r brig, yn ddiamau, maen nhw’n lluniau sy’n ymhyfrydu, brolio a dathlu ein treftadaeth arbennig ac unigryw ni ac fel beirniaid, mi gawsom ni gryn drafferth i benderfynu ar y buddugol.”
Bydd y lluniau buddugol yn cael eu harddangos ar stondin y Parc Cenedlaethol yn Eisteddfod y Bala'r wythnos nesaf. Yr enillwyr yw:
Naomi Jones, swyddog Bwrlwm Eryri oedd trefnydd y gystadleuaeth.
“Mae Bwrlwm Eryri’n fenter sy’n cofnodi a hyrwyddo ymwybyddiaeth o dreftadaeth ddiwylliannol ardal Eryri a’r cyffiniau. Ein nod, drwy weithgareddau fel y gystadleuaeth ffotograffiaeth, yw dod â threftadaeth yr ardal yn fyw i’r cyhoedd a dangos nad hanes yn unig yw ein treftadaeth , ond rhywbeth deinamig a byrlymus, sy’n berthnasol i ni heddiw.”
Ar ôl yr Eisteddfod, y bwriad yw arddangos y lluniau buddugol yn swyddfeydd yr Awdurdod dros y misoedd nesaf. Am fwy o fanylion, cysyllter â Naomi Jones, Swydddog Bwrlwm Eryri ar 01766 770274.
Diwedd
Nodyn i Olygyddion
1. Yn ail a thrydydd yn y gystadleuaeth roedd Gerallt Pennant o Borthmadog ac Andrew Currie o Abergynolwyn (Pobl), John Meirion Roberts o Benarlâg a Gail Johnson o Fae Trearddur (Tirlun), Richard Outram o Gaernarfon a Huw Jenkins o Faentwrog (Gwnaed Gan Ddyn); Ben Stammers o Rachub a Llion Gerallt o Lanrwst (Digwyddiadau) a Leon David Harty o Fae Penrhyn a Hebe Richardson o Abergele yng nghystadleuaeth y plant.
2. Bydd stondin y Parc Cenedlaethol wedi ei leoli wrth ymyl y Pagoda ar Faes yr Eisteddfod
3. Mae Wythnos Parciau Cenedlaethol yn rhedeg o Orffennaf 27 hyd Awst 1af, ond bydd Parc Cenedlaethol Eryri yn parhau â dathlu’r wythnos yn ystod wythnos yr Eisteddfod.
Top of Form 1
&&&&&&
Bottom of Form 1
Argraffwch
I weld datganiadau'r wasg cliciwch ar y teitl ar y brif dudalen.
Am fwy o wybodaeth, cysylltwch â Swyddfa'r Parc Cenedlaethol.
Awdurdod Parc Cenedlaethol, Swyddfa'r Parc Cenedlaethol, Penrhyndeudraeth, Gwynedd LL519DX
Ffôn: 01766772274 e-bost: parc@eryri-npa.gov.uk www.eryri-npa.gov.uk