Mae cynlluniau ar y gweill i adeiladu canolfan newydd ar safle swyddfa’r Warden yng Nghwm Idwal yn Eryri. Mae oddeutu 250,000 o ymwelwyr yn ymweld â Dyffryn Ogwen bob blwyddyn ond mae’r adeilad presenol yn rhy fach i ateb ein gofynion. Mae’r safle yn colli allan ar groesawu ymwelwyr i un o ardaloedd mwyaf godidog Eryri.
Trwy’r fenter yma y bwriad yw gweddnewid y ganolfan a chreu mynedfa i Eryri a fydd yn gwella dealltwriaeth a mwynhad pobl o Gwm Idwal. Cwm Idwal yw un o brif atyniadau Eryri ymysg ymwelwyr, a thrwy wella’r cyfleusterau y gobaith yw y bydd cynulleidfa ehangach yn cael eu denu i’r Cwm gan fanteisio ar gyfleoedd hamddena yr ardal.
Partneriaeth Cwm Idwal
Mae Partneriaeth Cwm Idwal yn goruchwylio’r gwaith gyda phob partner yn cyfrannu at y gost. Y bartneriaeth yw; Awdurdod Parc Cenedlaethol Eryri, Cyngor Cefn Gwlad Cymru a’r Ymddiriedolaeth Genedlaethol. Mae’r cynllun wedi ei ariannu gan brosiect strategol CAN (Communities & Nature) trwy Gronfa Datblygu Ardal Ewropeaidd a Chyngor Cefn Gwlad Cymru trwy Lywodraeth y Cynulliad. Mae CAN yn cefnogi mentrau cynaliadwy trwy Gymru sy’n dod a ffynniant economaidd i ardaloedd gwledig.
Mae Partneriaeth Cwm Idwal wedi ymgynghori yn barod gyda arweinyddion canolfannau addysg awyr agored a chanolfannau sy’n cynnig gweithgareddau awyr agored ynglyn a’r cyfleusterau sydd eu hangen ar y safle. Yn dilyn yr ymgynghoriad, fe gafodd briff dylunio ei baratoi a dewisiwyd cwmni pensaerniol ‘Dewis’ i baratoi cynllun.
Rhodd y fenter yma fydd:
• Mynedfa addas i gyd-fynd â thirlun godidog Cwm Idwal.Dyluniau Terfynol
Cliciwch isod i weld dyluniau terfynol prosiect Ogwen:
Cynllun Lleoliad A3
Awdurdod Parc Cenedlaethol, Swyddfa'r Parc Cenedlaethol, Penrhyndeudraeth, Gwynedd LL519DX
Ffôn: 01766772274 e-bost: parc@eryri-npa.gov.uk www.eryri-npa.gov.uk